Белкартаграфія

Атлас прысвечаны не аднаму гораду, а адразу 11! Гэта: Мінск, Брэст, Віцебск, Гомель, Гродна, Магілёў, Полацк, Нясвіж, Пінск, Навагрудак і Тураў.

У кожнага горада свая асаблівая гісторыя, напоўненая цікавымі падзеямі і легендамі. Атлас пазнаёміць са знакамітымі ўраджэнцамі старажытнага Полацка, з першай сталіцай Вялікага княства Літоўскага - Навагрудкам, з містычным замкам у Нясвіжы, з традыцыямі і звычаямі нашых продкаў, якія да гэтага часу беражліва захоўваюцца ў кожным горадзе і яшчэ з мноствам захапляльных гісторый. На старонках атласа вы знойдзеце не толькі апавяданні пра мінулае, але і даведаецеся, як жывуць гарады сёння: якія там ёсць музеі, паркі і іншыя цікавыя месцы.

Спадзяемся, што падарожжа па старонках атласа стане для вас незабыўнай прыгодай.