На палітыка-адміністрацыйнай карце Рэспублікі Беларусь дадзена інфармацыя аб адміністрацыйна-тэрытарыяльным дзяленні Беларусі па абласцях і раёнах (з указаннем колькасці сельскіх саветаў у кожным раёне). Пазначаныя межы дзяржаў, абласцей (ваяводстваў у Польшчы і паветаў у Літве), раёнаў у Рэспубліцы Беларусь, нацыянальных паркаў і запаведніка. Населеныя пункты класіфікаваны па колькасці жыхароў і тыпу паселішча (горад, пасёлак гарадскога тыпу сельскі населены пункт). Таксама на карту нанесеныя шляхі зносін, нумарацыя найважнейшых аўтамабільных дарог, памежныя пункты пропуску, гідраграфія, уключаючы суднаходныя каналы і рачныя парты.
Для зручнасці карыстання папяровая карта можа быць заламініравана і дапоўнена трымальнікамі.