Аб рэспубліканскім плане мерапрыемстваў па правядзенні ў 2024 годзе Года якасці.
На падставе абзаца трэцяга пункта 2 Указа Прэзідэнта Рэспублікі Беларусь
ад 27 лістапада 2023 г. № 375 "Аб аб'яўленні 2024 года Годам якасці" Савет Міністраў
Рэспублікі Беларусь ПАСТАНАЎЛЯЕ:
1. Зацвердзіць рэспубліканскі план мерапрыемстваў па правядзенні ў 2024 годзе
якасці.
2. Адказным за каардынацыю дзейнасці дзяржаўных органаў, іншых
арганізацый па выкананні плана вызначыць Дзяржаўны камітэт
па стандартызацыі.
3. Рэспубліканскім органам дзяржаўнага кіравання і іншым арганізацыям,
падпарадкаваным Ураду Рэспублікі Беларусь, аблвыканкамам і Мінскаму
гарвыканкаму прадстаўляць у Дзяржаўны камітэт па стандартызацыі інфармацыю
аб ходзе выканання плана:
штоквартальна - да 10-га чысла месяца, наступнага за справаздачным;
за 2024 год - да 10 студзеня 2025 г.
Дзяржаўнаму камітэту па стандартызацыі інфармаваць Савет Міністраў
Рэспублікі Беларусь аб ходзе выканання плана:
штоквартальна - да 15-га чысла месяца, наступнага за справаздачным;
за 2024 год - да 25 студзеня 2025 г.
4. Фінансаванне мерапрыемстваў плана ажыццяўляць за кошт сродкаў,
прадугледжаных у рэспубліканскім і мясцовых бюджэтах на 2024 год, уласных
сродкаў арганізацый і іншых крыніц, не забароненых заканадаўствам.
5. Гэта пастанова ўступае ў сілу з дня яе прыняцця.
Прэм'ер-міністр Рэспублікі Беларусь Р.Галаўчанка